उद्देश्य...

कुछ चीटी नियन
कुछ घुन नियन
कुछ मुर्दा में
ढूढत खून नियन
लागल बा खूब
कमाए में

कही नाम बा
कही दाम बा
जाती पाती के
खेल में
लागल बा रंग
जमाये में

कभी राजनीती
कभी चापलूसी
दोल्हा पाती के
फेर में
लागल दिन रात
फसावे में

सब अलग अलग
सब जुदा जुदा
एक दूसरा से
खफा खफा
उद्देश्य मगर सब
एक बा
भोजपुरी के बेच
खाए में...

- प्रवीण

बिना शीर्षक के ...

आज के समाचार देखि के कुछ सोचत रही ...तब कुछ पंक्ति लिखा गइल ...लेकिन बहुत कोसिस के बाद भी शीर्षक समझ में ना आइल .. हो सके  त रौवा सभे एकरा के परिभाषित करी...

एगो बहिन जे बांधली राखी 
भाई के उमिर बढ़ावे के 
अउर रछा के मंगली बचन 
बहिनन के लाज बचावे के 

भाई भी दिहलन इ बचन 
बहिना तोहरा न आंच आई
ओकर जान लहब या जान देहब 
जेकर तोहरा पे आँख आई 

एक दिन एगो लइका भेटा गइल
बहिना के आँख देखावे में 
सब जतन भाई लागी गइलन 
लइका के मजा चखावे में 

दुसरे दिन ओही लइका  के बहिन 
भेटा गइली अन्हारे में 
सब दया धरम भाई भुला गइल 
दू पल के शौख सवारे में 

कोई कुछु कहे जबान से 
लोग गिरल जात बा इमान से 
मानवता शर्म में पानी भइल
एह दू मुहा इन्सान से ...

:प्रवीण